Квэст пад такой назвай зацікавіў выпускнікоў 4 – х класаў Івянецкай сярэдняй школы. У апошнія дні навучальнага года тры класы наведалі музей, каб даведацца пра масцеравіты івянецкі лад жыцця.
У экспазіцыі музея дзеці шукалі літары, якія пазней склаліся ў слова “ІВЯНЕЦ”.
Майстар - ганчар спецыяльна для гасцей вытачыў збанок, і падараваў пано – аснову і збаночак, які падвесілі да пано.
Дзеці адгадвалі загадкі і дабавілі да пано цацку – свістульку і драўляны свісток.
Ткачыха паказала, як вырабіць льняную нітку і выткаць ручнік – абярэг, расказала пра лялькі – абярэгі і падаравала ляльку – анёлка.
Так вучні пазнаёміліся з івянецкімі традыцыямі і рамёствамі, самі сабралі прыгожае пано, якое падарылі любімым настаўнікам.